*खरसिया- खरसिया म कल दिनांक 14-12-21 के महागौरा गौरी अउ छत्तीसगढ़ी महोत्सव कार्यक्रम के जोरदार आयोजन खरसिया के टाउन हॉल मैदान म सम्पन्न होइस। घरघोड़ा फगुरम के टोली ल सुघ्घर प्रदर्शन बर मिलिस 1 लाख के इनाम*
|
😊 कृपया इस न्यूज को शेयर करें😊
|
खरसिया-खरसिया में कल दिनांक 14-12-21 के महागौरा गौरी अउ छत्तीसगढ़ी महोत्सव कार्यक्रम के जोरदार आयोजन खरसिया के टाउन हॉल मैदान म सम्पन्न होइस-
हमर छ्त्तीसगढ़ के कला अउ संस्कृति के अनूठा अउ अनुपन उदाहरण आदिवासी बाहुल्य छेत्र रायगढ़ जिला म देखे जाथे लेकिन हमर कला अउ संस्कृति हर छत्तीसगढ़ के जम्मो कोना कोना म बगरे हावय,जम्मो जिला म अलग अलग नाचा गाना लोककला के बगराव हावय।अउ एहि हर हमर पूंजी आय।
समय समय म हमर लोक संस्कृति के नाचा गाना पहिनावा के आयोजन होना बहुत जरूरी हावय काबर की अब पुराना हर चीज ह नन्दावत हावय अउ खोजे ल पड़त हावय का का हमर पहचान आय,कइसे पहिनावा रहिस कइसे हमर लोककला हे एकर बगराव जरूरी हावय ए बुता ल हमन सब ल मिलके करना चाही।
अभी के सरकार ह बहुत कोशिश करत हावय हमर लोककला और नाचा गाना बजाना पहिनावा ल जिंदा रखे बर बहुत कदम उठाईस हावय तीजा पोरा हरेली के छुट्टी, सुआ, ददरिया,कर्मा,पंथी राउत नाचा के प्रचलन ल बढ़ावा देना,बहुत बुता होवत हावय।
बरगढ़ खोला म महागौरा गौरी महोत्सव के आयोजन एहि उद्देश्य से करे गए रहिस जेमा पूरा छत्तीसग़ढ़ के हमर छत्तीसगढीया भाई बहिनी मन कर्मा,पंथी,ददरिया सुआ,राउत नाचा,गौरा गौरी के बहुत बढ़िया प्रदर्शन करीन हावय जेमा,पुरा छत्तीशग़ढ़ से भारी अकन संख्या म कला प्रेमी कलाकार मन आके अपन कला के नाचा गाना के प्रदर्शन करीन हावय जेमा सबसे ज्यादा रकम के पुरस्कार घरघोड़ा फगुरम के महागौरा गौरी टीम ल मिलिस हावय 1 लाख के पहला इनाम,दूसरा म धरमजयगढ़ के दर्रापारा के पंथी नाचा टीम ल इनाम मिलिस 50 हजार के साथ ही बहुत से जिला ले आये कलाकार मन ल 50 हजार,दस हजार,और जम्मो टीम मन ल सान्त्वना इनाम मिलिस हावय।जेमा जम्मो झन खुशी खुशी अपन इनाम लेके संयोजक टीम के धन्यवाद करीन।
कलार महासभा के अध्यक्ष अउ कलार समाज के संरक्षक विजय जायसवाल,पूर्णिमा जायसवाल के अगुवाई अउ सहयोगी मन के मेहनत से पूरा कार्यक्रम के संचालन होइस अउ लाखो रुपया के इनाम अउ प्रतीक चिन्हा जम्मो भागीदार टीम मन ल देहे गइस।लोककला ल बढ़ाये के अईसना आयोजन होना बहुत जरूरी रथे,कार्यक्रम म प्रशासन के कोई भागीदारी नई रहिस वक्ता मन एकर निंदा भी करीन फिर भी आयोजन बहुत बढ़िया रहिस।
|
Whatsapp बटन दबा कर इस न्यूज को शेयर जरूर करें |
Advertising Space
